Xiisad xoogan ayaa maalintii 3aad waxay ka taagan tahay Magaalada B/weyn ee Xarunta Gobolka Hiiraan, iyadoona Xoogaga Maxkamadaha iyo Ciidamada Ethiopia ay is hor fadhiyaan wali, waxaana Magaalada ay tahay mid xaalad cakiran ay ku sugan tahay.

Dagaaladii Labadii maalmood ee ka dhacay Magaalada ayaa ahaa kuwo sababay dhimasho iyo dhaawac tiro badan, waxaana taa ay ka dambeysay markii Ciidamada Ethiopia ee awal fariisinkooda ahaa Janta Kundishe ay soo galeen Gudaha Magaalada, isla markaan Xoogaga Maxkamadah oo iyana gacanta ku haayay B/weyn ay ka hortageen.

Wararka halkaas laga helayo ayaa sheegaya in Magalaada tahay mid cidlo ah oo aysan cidna joogin, hase ahaatee waxaa aad u adag helitaanka Meydad la sheegay inay ku dhinteen Dagaaladii shalay, kuwaasoo wadooyinka yaala.

Dadka Magaalada ka cararay ayaa waxay dhibaato hoy la'aan ku heysataa Buuraleyda Gobolka, oo aysan jirin cid u gurmaneysa, waxaana dadkaas ay ku hoydeen meelo banaan ah.

Xoogaga Maxkamadaha iyo Ciidamada Ethiopia waxay yihiin kuwo feejigan oo dhan walba iska eegaya, waxaana saacad kasta laga cabsi qabaa inay dirirtu ka dhex bilaabato, waxaana xiisada ka dhex taagan labadooda ay gashay maalintii 3aad.
 

Hamse M, Abdi

Soomaaliya,

Horufadhi.com