Xaalada Magaalada B/weyn ayaa saaka aad u kacsan kadib markii ay gudaha u galeen ciidamada Ethiopia ee ku sugnaa buurta Janta Kun Dishe saaka aroortii

Ciidamadan oo ku hubeysan Taangiyo iyo Qoryaha madaafiicda ayaa waxaa lagu waabariistay iyaga oo ku gadaaman magaalada afarteeda dhinac waxaana isla saakay ay bilaabeen madaafic ay ku bartil maameedsadeen xaafada H/wadaag ee dhinaca galbeed ee magaalada.

Ilaa iyo 9 madafac ayaa la sheegay in lagu tuuray gudaha xafada H/wadaag kuwaas oo la rumeysan yahay in ay ku dhaceen guryo la degan yahay.
waxaana ay ahaayeen madaafiicdu kuwo ay ku Bartilmaameedsaneen meelo ay u fulayaan Ciidanka Maxkamadah Islaamka. kuwaasoo la sheegay in ay magalada kaga sugan yihiin Xaafada H/Wadaag.
Sidoo kale waxaa la maqlayaa mararka qaar rasaas u muuqato in la is weydaarsadanayo waxaana ka mid ah meelaha laga maqlay Buundada Liiq liiqato oo iyadu ku taalo bartamaha magaalada.

Lama yaqaano qasaaraha rasmiga ah ee ay geysteen madaafiicda iyo rasaasta ka dhaceyso gudaha laakin waxaa la aaminsan yahay in ay jiri karaan qasaarooyin dhimasho ama dhaawac

Waxaa wali gudaha magaalada ku jiro ciidamada Ethiopia kuwaas oo haatan intooda badan ku sugan xarumihii maamulka sida Saldhiga Booliska. waxay kaloo ku sugan yihiin meelaha muhiimka u ah oo dhan.

Wixii kusoo kordha waan idiin soo gudbin doonaa Inshaa Allaah

Hamse M, Abdi

Wakiilka Soomaaliya,

Horufadhi.com