Obama ayaa ka soo kicitamay magaalada Kabul ee dalka Afqaanistaan halkaasoo uu kulamo kula soo qaatay saraakiisha ciidamada Maraykanka ee dalkaasi iyo madaxweynaha dalka Afqaanistaan Xamiid Kharazai.

Marka uu soo dhamaysto Booqashadaas waxaa la filayaa in uu u soo Dullo dalal ay ka mid yihiin Israel ,Germany, Britain, France iyo Jordan. Obama ayaa sheegay hadii uu ku Barmooso loolanka adag ee Aqalka Cad inuu Ciidanka Maraykanka ka soo daad Gureyn doono Ciraaq, wuxuuna Hoosta ka xariiqay in mudo ka yar labo sano Gudahooda soo Faarujin doono Iraq,

Israel oo qabatay dad dili lahaa Bush"

Sirdoonka Israa’iil ayaa sheegay inay xireen lix nin oo xiriir la leh Al qaacida  oo uu ku jiro nin lagu eedeeyay inuu qorshaynayay in dhulka lasoo dhigo diyaarad helicopter ah oo siday madaxweynaha dalka Maraykanka George W Bush.

Waaxda  amaanka Israa’iil ee Shin Bet ayaa xabsiga dhigtay lixdaan nin ee lagu xiriirinayo shabakada Islaamiga ah ee Al qaacida  laba kamida ragan ayaa waxay ahaayeen  Israa’iiliyiin carab ah  halka afarta kalena ay ahaayeen falastiiniyiin degan bariga magaalada Qudus oo haysta kaarar aqoonsi Israa’iili ah.

Shin Bet waxaa ay sheegtay in mid kamida labada carabta Israa’iil ah uu ahaa arday  wax ka barta jaamacada Hebrew eek u taala magaalada Jerusalem waxaana la sheegay in isagoo ku jira qolkiisa oo guri dabaq ah saaran  uu dusha ka eegayay helicopter meel amaankeeda la ilaaliyay kusoo dagaysa taasoo uu saarnaa madaxweynaha dalka Maraykanka george W Bush markii uu horaantii sanadkan safarka ku tagay dalka Israa’iil wiilka Eedeysanaha wax wara Afkiisa lagama hayo maadaba inta badan Israel aysan Maxkamad saarin Dadka ay Qabato oo ay Si xaq darro ah u Xerato,

Waaxda amaanka Israa’iil ee shin bet ayaa waxaa kaloo ay sheegtay in wiilkan ardayga ah uu sawiro ka qaatay deegaankii diyaarada Bush uu saarnaa kusoo dagaysay  waxaana lagu eedeeyay inuu la xiriiray bog internet ah oo ay Al qaacidadu isticmaasho una sheegay inay soo ridaan diyaarada madaxweynaha uu saarnaa.

ku lug lahaanshaha muwaadiniinta carabta ah iyo kuwa degan Israa’iil ayaa sabab u ah  walaaca laga qabo halkaas maxaa yeelay  falastiiniyiinta fikirkoodu badalan yahay ayaa waxaa ay xor u yihiin inay siday doonaan ugu soc socdaan Israa’iil gudaheeda.
Wadia Abu Nasser waa raga wax cabira ama saadaaliya waxaana uu sheegayaa in dhibaatadu ay tahay in carabta Israa’iil ku nooli ay qabaan inay yihiin muwaadiniinta heer-ka labaad ah

”dadka waxaa Qasbaya Cadaawada ay muujinayaan Ciidanka Yahuudu waxaan rumaysnahay in nasiibdaro dadku ay sii raja dhigayaan  mayal adayga noocaasina ah uu sii kordhayo”

Mr wadia Abu Nasser ayaa hadalkiisa intaasi ku daray  in 99% ay carabta Israa’iil aysan ku lug lahayn falalka argagaxisonimada
“Muwaadiniinta carabta ee Israa’iil waxaa la cadeeyay inay daacad u yihiin dowlada  waana kuwa u hogaansan sharciga inkastsoo ay sidaasi tahay hadana mararka qaarkood xitaa sharciga wuu ka eexdaa”

laba Israa’iliyiin carab ah ayaa xabsiga la dhigay horaantii bishan iyagoo lagu eedeeyay inay ka tirsan yihiin Al qaacida waxaana jira lix kale oo qorshaynayay weeraro ay qaadaan sanadkan kuwaasi oo degan magaalada Jerusalem waxaana taasi ay sababtay in walaac uu ku dhasho qayb kamida Yuhuuda Israa’iil.

Suleiman Mohamud Hashi

General Editor Of Horufadhi.com

Nairobi Kenya

xaashi2008@hotmail.com