Ciidamadii Dowladda Federaalka ee dhowaan lagu soo tababaray Dalka Ethiopia, isla markaana galay dagaalada ayaa la soo sheegayaa in ay labo jiho ugu soo kala ambabaxeen Magaalada Muqdisho.

Ciidamadan oo u muuqaal ek sida Ciidamada Ethiopianka ayaa ku labisan dareyska Ciidamada Ethiopianka iyo qoryaha fud fudud, ayaa dhaq dhaqaaqyo xoogan ka bilaabay Tuulooyinka Gobolka Shabellaha Hoose, halkaasoo la sheegay in ay lug ku marayaan, kadib markii ay soo foodsaartay cabsi ah in hadii ay gaadiidka raacaan weeraro lagu qaaday.

Wararka laga helayo Degmada Wanlaweyn ee Gobolka Shabellaha Hoose ayaa sheegaya in Ciidamada ay soo gaareen meel 4km u jirta Degmadas, halka qeyb kale oo Ciidamadaas ka tirsan ay mareen dhinaca wado ka baxda Ballidoogle oo sii tagta Degmada Afgooye.

Dadka ku dhaqan Tuuloyinkaas ayaa cabsi aad u weyn ka muujiyay dhaq dhaqaaqyada Ciidamadaan, iyadoo saacad kasta laga cabsi qabo in Ciidamada wadada lagu galo inta ay ku soo jeedaan Muqdisho.

Labadii Cisho ee la soo dhaafay ayay Ciidamadaas waxay ku sugnaayeen Deegaanka u dhow Yaaq Bari weyne iyo meel kale oo iyana u dhoweyd Leego, halkaasoo aheyd halkii uu dagaalka ku qabsaday.

Gaadiidka Ciidamada ayaa wuxuu yahay mid masaafo fog isku jira, waxaana gaadiidka kor ka saaran tiro ciidan, oo ay geesaha ka socdaan Ciidamo lugeynaya oo ka feejigan weeraro ay ku soo qaadaan Kooxaha Kacdoonka.

Afhayeenka Alshabaab Abuu Mansuur ayaa sheegay in ay Ciidamadan u socdaan dhac ay u geysan rabaan Suuqa Bakaaraha, hase ahaatee wuxuu cadeeyay in inta aysan gaarin Muqdisho ay ku leyn doonaan wadada.Hase yeeshee Foojignaanta ka muuqata iyo Tababar ka ay qabaan Ciidankani maaha mid la Sahashan karo.

ayadoo sidoo kalena ay Raxan raxan ta ay u socdaan hada marka qolo daashaba waxa bedelya kuwa kale ee Gaawaadhida saaran. waxaantaas dheer ayagoo wata qalabka Miinooyinka lagu baadho iyo Tahiilaad kaleto,

Hamse M, Abdi

Warfidiyeenka Sanadka

Somalia.

Horufadhi.com